ACTUALITES / ACTUALITATS

E deman?

« E deman ? » es una velhada  occitana interactiva. Dins una lenga aisida de comprener e d’un biais trufandièr, Clamenç, Beneseta, Marcèl e Magalona desembolhan lo monde de deman. E los sicuts mancan pas : los robòts umanoïds, lo genre, la vertat falça, lo rejoveniment de la cellula, l’anar dels mestièrs e dels lésers, l’intelligéncia artificala, lo rescaufament climatic, l’avenidor de la planeta… S’avètz enveja d’aquela velhada trufaira e umoristica en occitan, convidatz Clamenç a presentar: « E deman ? » francament es una bona pacha

« E deman ? » est une veillée occitane interactive. Dans une langue aisée à comprendre et de manière humoristique, Clamenç, Beneseta, Marcèl e Magalona évoquent le monde de demain. Et les sujets ne manquent pas : les robots humanoïdes, le genre, la fausse vérité, le rajeunissement de la cellule, l’évolution des métiers et des loisirs, l’Intelligence Artificielle, le réchauffement climatique, le devenir de la planète… Si vous souhaitez participer à cette veillée pour partager un moment de rire  et d’humour en occitan,  invitez Clamenç  à présenter : « E deman ? » vous ne le regretterez pas !

Dictada occitana lo 25 de genièr de 2020

Ongan l’association desplaçèt la dictada cap a Sta Cecila d’Andorge a la sala dels Cambós dins Gard

Los membres de l’ A.D.Oc.- 48 e los adults que participan als corses menats per Marinette Mazoyer se trapèron per dictat lo tèxt.

Un plaser d’escambiar a l’entorn de la lenga occitana e de son escritura.

Lo SENHAL N° 94 a espelit! Abonatz-vos... Aqui

Une exposition sera présentée à la bibliothèque municipale Lamartine : "Camins de trobar, l'invention lyrique occitane des trobadours" du 1er au 16 avril 2018, avec le jeudi 5 avril à 18h 00 une présentation de celle-ci: illustrations musicales et commentaires thématiques. 

En soirée,à 20 h 30, ( le jeudi 5 avril 2018) un concert  à la cathédrale de Mende, "l'art lyrique des troubadours" par le groupe Troubadours Art Ensemble (Gérard Zucchetto et 3 musiciens / chanteurs)

Dictada Occitana nò 21 – 27 de genièr de 2017 – Corregit
Conan Doyle - Pèire Beziat
(Lo Monde perdut, I.E.O. Edicions, 2017, p. 106-107)

LO  SOPAR  RAUBAT  PEL  PTERODACTIL

Arribèt aiçò : Lord John aviá tirat un ajotí – quicòm coma un pichon pòrc. L’aviá donat per mitat als indians e nosautres fasiam còire l’autra mitat sul fuòc. Quand lo ser tomba ven un aire fresc e totes èrem agromelits al torn del fuòc. La nuèit èra sens luna mas i aviá qualques estelas e podiam véser sus una corta distància a travèrs la plana. E ben, subran, de l’escuresina de la nuèit, quicòm arribèt lançat en fiulant coma un aeroplan. Nòstra còla en entièr se cobriguèt dins un pas res d’un pali d’alas de cuèr. Aguèri la vision subta d’un còl long coma lo d’una sèrp, d’un uèlh roge e ferotge e d’un bèc gròs que clacava e qu’èra cargat – a mon estabosiment – d’una rengada de pichonas dents blancas e lusentas. Lo temps de dire amen e s’èra tornat envolar amb lo nòstre sopar. Una ombrassa negra planèt dins l’aire a dètz mètres, sas alassas amaguèron las estelas e puèi s’avaliguèt de l’autra part de l’embauç al dessús de nosautres. Demorèrem sèits, embaboquits e silencioses al torn del fuòc coma los eròis de Virgili quand las Arpias lor davalèron dessús. (Total : 190 mots)

Per las quatre categorias : pichons - collegials - liceans - adultes :

Arribèt aiçò : Lord John aviá tirat un ajotí – quicòm coma un pichon pòrc. L’aviá donat per mitat als indians e nosautres fasiam còire l’autra mitat sul fuòc. (27 mots) (Aicí s'arrèstan los pichons.)
Quand lo ser tomba ven un aire fresc e totes èrem agromelits al torn del fuòc. La nuèit èra sens luna mas i aviá qualques estelas e podiam véser sus una corta distància a travèrs la plana. (27 + 37 mots = 64 mots) (Aicí s'arrèstan los collegials.)
E ben, subran, de l’escuresina de la nuèit, quicòm arribèt lançat en fiulant coma un aeroplan. Nòstra còla en entièr se cobriguèt dins un pas res d’un pali d’alas de cuèr. Aguèri la vision subta d’un còl long coma lo d’una sèrp, d’un uèlh roge e ferotge e d’un bèc gròs que clacava e qu’èra cargat – a mon estabosiment – d’una rengada de pichonas dents blancas e lusentas (64 + 67 mots = 131 mots) (Aicí s'arrèstan los liceans.)

Lo temps de dire amen e s’èra tornat envolar amb lo nòstre sopar. Una ombrassa negra planèt dins l’aire a dètz mètres, sas alassas amaguèron las estelas e puèi s’avaliguèt de l’autra part de l’embauç al dessús de nosautres. Demorèrem sèits, embaboquits e silencioses al torn del fuòc coma los eròis de Virgili quand las Arpias lor davalèron dessús. (131 + 59 mots = 190 mots)

Lo SENHAL N° 88 a espelit! Abonatz-vos...

A.D.Oc. 

Espace Jean Jaurès
1, Rue Charles Morel

48000 MENDE

Téléphone : 04.66.49.12.03

Mail: 48adoc@gmail.com

Si vous désirez adhérer à l'A.D.Oc, téléchargez le bulletin d'adhésion ici

Retrouvez toute l'actualité de l'A.D.Oc.

Tous les messages