Archives "l'espet"

Setmana del 05/01/2013 al 11/01/2014

« Messorguièr coma un abrasaire »

Braça abrasaire que sens tu òmes e femnas se carpinharián de longa !

Braça brasa abrasaire !

Setmana del 12/01/2013 al 19/01/2014

« Partir coma una piòla desmargada »

Es que margar una piòla pareis pus malaisit que de menar un ordenador amb una mirga ?

Mirga mirgalhada marga!

Setmana del 19/01/2013 al 26/01/2014

« Èsser a sas pèças! »

Uroses los que se congostan dins lor trabalh la vida lor serà mai corteta e mai gaujosa !

Pes pesa pèças !

Setmana del 26/01/2013 al 02/02/2014

« Li passèri un acivadal ! »

Los cavals se congostan de la civada e los paures deurián pas èsser acivadats ? 

Acivadal bada civada!

Setmana del 02/02/2013 al 08/02/2014

L’afar es dins la saca !

Mèfi que de còps l’afar pòt bombir de la saca e petar al nas d’aquèl que la pòrta !

Sacat de saca desensacat !

Setmana del 09/02/2013 al 16/02/2014

Camba d’agaça.

Es que la camba d’agaça fa virar la crèsta del gal ?

Gach agacha agaça !

Setmana del 16/02/2013 al 23/02/2014

Calcigar los agacices a qualqu’un.

Se te laissas calcigar los agacisses t’engrunaràn los pèses.

Caça la calciga que te calciga !

Setmana del 24/02/2013 al 02/03/2014

Badar coma un agaçon.

Se badas pas t’ausiran pas e crevaràs de fan !

De sa bada buta son badaràs !

Setmana del 9/03/2013 al 16/03/2014

Lèva pas una agulha del sòl.

Lo gus guinda l’agulha a cima del motàs agut.

Ardit ! A levat la gulha !

Setmana del 16/03/2013 al 23/03/2014

Coneissètz l’aiga d’auriòl ?

Vin sens chuc ni muc raja dins lo gargalhòl

Sens far lo fat, ni lo fòl !

Setmana del 23/03/2013 al 30/03/2014

Pausèt la tassa dins l’aiguièra

E lo crostet sus la pastièra, espinchèt per l’arquièra

E partiguèt per la fièra !

Setmana del 30/03/2013 al 06/04/2014

Talamai l’ais carguèt

Que la tèsta li virèt dins l’aiga s’espotiguèt

E lo cocut se trufèt !

Setmana del 07/04/2014 al 14/04/2014

Amb un pal aiga batràs.

Aital vida passaràs

A te calinar lo nas

A res non far tabanàs !

Setmana del 3 de mai al 10 de mai de 2014

A l’albeta

Fa l’aleta

A la pichoneta

Tota fresqueta !

Setmana del 25 de mai al 1 de junh de 2014

Se l’alauseta tomba rostida

Quora passa dins ta vida

Congosta-te de sa pitança

Laissa dire la maldisença !

Setmana del 13 de setembre al 20 de setembre de 2014

Es l’estiu macassieu

Que l’ast vira, vira…

E pel plaser dels sieus

La fèsta tira, s’estira …

Setmana del 27 de setembre al 4 d’octòbre de 2014:

Se per asart  atalas

Benlèu un jorn desatalaràs

Mas s’as pas atalat

Jamai desatalaràs !

Setmana del 7 al 14 de octobre 2014:

Parla sens saber

Desparla sens voler.

Es un pauc falord

Pica sus l’ariscle coma sul tambor!

Setmana del 19 de octobre al 26 de octobre de 2014

Es pas banut

Coma una cagaraula,

Mas mai caput

Qu’una sauma aula !

Setmana del 26 de octobre al 2 de novembre 2014

Aquela femneta pichoneta

Que se passeja de longa

Amb sa polida pichoneta

A, segur, las arpas longas!

Setmana del 9 al 16 de novembre de 2014

Se per asart  atalas

Benlèu un jorn desatalaràs

Mas s’as pas atalat

Jamai desatalaràs !

Setmana del 16 de novembre al 23 de novembre de 2014

Val mai espelir jos un bon astre

Que de viure dins lo malastre !

Setmana del 22 de novembre  al 29 de novembre  de 2014

N’avia contra qualqu’un

A tota la cantonada

Parlava pas a degun

E mut demorava !

Setmana del 29 de novembre al 7 de decembre de 2014

Es coma l’auçèl sus la branca.

Es que servarà son emplèc ?

Pasmens a oblidat d’èsser pèc !

Avisat, non rès li manca.

Setmana del 07 al 14 de decembre de 2014

« Mossur, li ditz l’ainat, fasèm dòl de la maire

E solet, sens secors, avèm laissat lo paire

Engrepesit de freg, tot acatat de mal,

N’es benlèu a son darrièr badalh. »

Claudi Peyot- Poésies rouergates.

Setmana del 4 al 11 de genièr de 2015

Quitèt caudet son ostal

Dins lo freg de l’ivernada

Dins la frescon de la torrada

Arribèt gelat coma una barra !

A.D.Oc. 

Espace Jean Jaurès
1, Rue Charles Morel

48000 MENDE

Téléphone : 04.66.49.12.03

Mail: 48adoc@gmail.com

Si vous désirez adhérer à l'A.D.Oc, téléchargez le bulletin d'adhésion ici

Retrouvez toute l'actualité de l'A.D.Oc.

Tous les messages